زیبسٹ میں شہید بھٹو کی برسی پرقرآن خوانی شہید کی زندگی پردستاویزی فلمیں دکھائی گئیں

کراچی(پ ر) شہید ذوالفقار علی بھٹو کے 39 ویں شہادت پر زیبسٹ نے ادارے کے بانی کو خراج عقیدت پیش کرنے کیلئے قرآن خوانی کاا ہتمام کیا۔ شہید ذوالفقار علی بھٹو پر تیار کی گئی دستاویزی فلمیں طلبائ‘ اسٹاف اور اساتذہ کو دکھائی گئیں جس نے شہید ذوالفقار علی بھٹو کی بے مثال اور شاندار جدوجہد کے ضمن میں جذبات اور جوش و ولولے کی یادیں تازہ کردیں۔ ان سرگرمیوں کا اہتمام پاکستان کے نوجوانوں کیلئے شہید ذوالفقار علی بھٹو کی جدوجہد پر روشنی ڈالنے کیلئے کیا گیا تھا۔ زیبسٹ شہید ذوالفقار علی بھٹو کی تعلیمات اور جدوجہد کو بنیاد بناکرتعلیم کے فروغ کے لئے اپنے عزم پر کاربند ہے۔