ذبیحہ کے نام سے گوشت اسٹور کا آغاز

کراچی( کامرس رپورٹر) فوجی میٹ لمیٹڈ نے ذبیحہ کے نام سے گوشت کے اسٹور کا آغاز کردیا اس سلسلے میں برانڈ لانچنگ کی تقریب کا انعقاد ان کے پہلے اسٹور واقع c-15 اسٹریٹ11 بدر کمرشل ڈی ایچ اے فیزV کراچی میں ہوا۔ استقبالیہں چیف آپریٹنگ آفیسر بریگیڈیئر عابد حسین جنجیانہ(ر) نے ذبیحہ کے آغاز کو مقامی سطح پر فوجی میٹ لمیٹڈ کی بڑی کامیابی قرار دیا معیار کی طرف توجہ مبذول کرائے ہوئے انہوں نے کہاک ہ ہم جنوب مشرقی ایشیا میں سب سیْ بڑے حلال گوشت کے پلانٹ کی ملکیت پر فخر محسوس کرتے ہیں جس کو اس عزم اور صلاحیت کے ساتھ بنایا گیا ہے کہ پاکستان کے جداگانہ ذائقہ دار گوشت کی مقامی او ر بین الاقوامی ہردم بڑھتی ہوئی طلب کو پورا کیا جاسکے سی ای اینڈ ایم ڈی فوجی فرٹیلائزر بن قاسم لمیٹڈ لیفٹیننٹ جنرل (ر) جاویداقبال نے فیتہ کاٹ کر اسٹور کا افتتاح کیا شرکاء سے گفتگو کرتے ہوئے انہوں نے کہا کہ ہم ذبیحہ برانڈ کو پاکستان کے طول و عرض میں کامیاب ہوتا دیکھ سکیں گے۔