نیو یارک (صباح نیوز) اقوام متحدہ کے سیکرٹری جنرل انتونیو گوئٹرس نے کہا ہے کہ کرونا وائرس سے نمٹنے کے لیے جنگی حالت کا سامنا کرنا والوں کو نہیں بھولنا چاہئے۔ انہوں نے سماجی رابطے کی ویب سائٹ ٹوئٹر پر کہاکرونا وائرس سے لڑنے کے لیے دنیا کو ایک ہونا ہو گا۔ دنیا میں امن اور اتحاد پیدا کرنے کے لیے ہمیں ہرممکن کوشش کرنا ہو گی۔ ہتھیاروں کو خاموش کرنے کے لیے ہمیں آواز اٹھانا ہو گی جبکہ معاشرے میں کمزور لوگوں کو بارودی سرنگوں اور جنگی ماحول کا سامنا ہے۔ انہوں نے کہا کہ ہم سب کو کمزور لوگوں کو معاونت فراہم کرنے کا عہد کرنا ہو گا اور کووڈ( 19)کورونا وائرس سے نمٹنے کے لیے جنگی حالت کا سامنا کرنے والوں کو نہیں بھولنا چاہیے۔