مسلح افراد نے سوئی گیس ملازم سے کارو نقدی چھین لی ‘ ہاتھ پاوں باندھ کر اپنی گاڑی میں گھماتے رہے

ملتان (کرائم رپورٹر)سوئی گیس ملازم کو لوٹ لیا گیا ملزمان ہاتھ پاوں باندھ کر گاڑی میں لے کر گھومتے رہے ۔تفصیل کے مطا بق محکمہ سوئی گیس کا ملازم امیر علی قادر پوراں آفس میں ڈیوٹی کے لئے اپنی کار جارہا تھا کہ نامعلوم مسلح افراد نے اسے روکااسلحہ کے زور ہر پر اسے اپنی گاڑی میں بٹھایا اور آنکھوں پر پٹی باندھ کرملزمان نے اس سے 15 لاکھ مالیت کی گاڑی،اے ٹی ایم کارڈز،نقدی چھین لی اور بعد ازاں اسے کھیتوں میں پھینک کر فرار ہوگئے۔پولیس نے امیر علی کی درخواست پر مقدمہ درج کرلیا ہے اور کاروائی شروع کر دی گئی ہے۔