لاہور(نامہ نگار)سی سی پی او لاہور ذوالفقار حمید نے گزشتہ روز کیمپس پل پر پولیس ناکے کا دورہ کرکے دفعہ 144 کی پابندیوں کے نفاذ کا جائزہ لیا۔ ڈی ایس پی گارڈن ٹائون شیخ مظفر نے سی سی پی او کو بریفنگ دی۔ اس موقع پر سی سی پی او نے ہدایت کی کہ ناکوں پر موجود پولیس سٹاف کورونا سے بچائو کے لئے حفاظتی انتظامات یقینی بنائے۔ شہریوں سے ڈیلنگ کے وقت ایس او پیز پر عمل کریں۔ انہوں نے ایک بار پھر اپیل کی کہ شہری غیر ضروری طور پر گھروں سے باہر نہ نکلیں اور پولیس سے تعاون کریں۔ دکانیں کھلنے کے اوقات کار پر سختی سے عملدرآمد کیا جائے۔