جامشورو(صباح نیوز)پولیس نے ٹول پلازہ کے قریب خفیہ اطلاع پر ایک کنٹینر سے چیکنگ کے دوران 46 افراد کو حراست میں لے لیا ۔ایس ایس پی جامشورو امجد شیخ نے کہا کہ کنٹینر میں 46 افراد سوار تھے جو چوری چھپے کراچی سے کنٹینر میں سوار ہوکر بنوں جارہے تھے تمام افراد مزدور ہیں جو لاک ڈائون کے باعث بیروزگار ہونے کے بعد گھروں پر جارہے تھے۔ ٹرانسپورٹ کی بندش کے باعث یہ افراد گڈز کنٹینر میں چھپ کر جانے پر مجبور تھے۔