قصور(نمائندہ نوائے وقت) قصور اور نواح میںڈکیتی اورراہزنی کی مختلف وارداتوں میں ڈاکووں نے لاکھوں کی رقم ودیگر قیمتی سامان لوٹ لیا جبکہ مزاحمت پر ڈاکووں نے فائرنگ کرکے ایک شخص کو زخمی کرد یا ۔سدھانہ بس سٹاپ کے قریب تین ڈاکووں نے ٹریکٹر ٹرالی ڈرائیور عدنان احمد سے نقدی چھین لی مزاحمت پر فائرنگ کرکے اسے زخمی کردیا ہے جبکہ نفیس کالونی قصور میں واقع  میاں ذیشان کی موبائل دوکان میں دن کے وقت دو ڈاکووں آئے ہزاروں روپے مالیت کی موبائل فونز لوٹ کر فرارہوگئے اورراوخانوالہ کے قریب دو ڈاکووں نے راہگیر فیاض سے موٹر سائیکل چھین لی۔ پولیس تھانہ راجہ جنگ مصروف کاروائی ہے اور پرانی منڈی پتوکی میں سات ڈاکو ملک مقبول احمد کے گھر گھس آئے اور اہل خانہ کو یرغمال بنا کر گھر سے ساڑھے پانچ لاکھ کی رقم  اور دو تولے طلائی زیورات لوٹ کر لے گئے جبکہ بھگیانہ خورد کے قریب دو ڈاکووں نے پک اپ سوار آصف سے چالیس ہزارکی نقدی اور دو موبائل فون چھین لئے ،مقامی پولیس مصروف کاروائی ہے۔