ریال سوسائیڈڈ نے 34سال بعد کوپا ڈیل رے فٹبال کپ جیت لیا

لاہور (سپورٹس ڈیسک ) ریال سوسائیڈڈ نے اتھلیٹک بلبائو کلب کو شکست دے کر 34سال بعد سپینش کوپا ڈیل رے فٹ بال کپ کا ٹائٹل جیت لیا۔سویلی میں کھیلے گئے میچ میں وی اے آر کے ذریعے فاتح ٹیم کو پنالٹی ملی جسے مائیکل اویار زیبال نے گول کرکے 2019-20ء کا ٹائٹل اپنی ٹیم کے نام کر الیا ۔ اس سے قبل انیگو مارٹنیز کو فائول پر باہر بھیجا گیا تاہم بعد میں فیصلہ پیلے کارڈ پر ختم کیا گیا ۔فاتھ ٹیم نے صفر کے مقابلے میں ایک گول سے کامیابی حاصل کرلی۔ بلبائوسیزن میں کے فائنل میں بارسلونا کلب کامقابلہ کرے گی جو سترہ اپریل کو ہوگا۔دونوں ٹیمیں ایک بار پھر پرسوں لالیگا لیگ کے میچ بھی مد مقابل ہونگی ۔ موجودہ پوائنٹس ٹیبل پر سوسائیڈڈ چھٹے اور بلبائو نویں نمبر پر ہے ۔