گوجرانوالہ (نمائندہ خصوصی)پاکستان مسلم لیگ (ق) علماء مشائخ ونگ کے سٹی صدر صاحبزادہ علامہ طاہر رضوی نے کہا ہے کہ دنیا کے کئی ممالک اس وقت کرونا وائرس کے خلاف جنگ لڑ رہے ہیں مگر اس جنگ میں پہلی صف میں وہ ہیرو ڈاکٹرز اور نرسیں کھڑے ہیں جو اپنی جانوں کو خطرے میں ڈال کر اور اپنے آرام کو پس پشت ڈال کر انسانیت کو بچانے میں دن رات مصروف ہیں ۔اس کیساتھ میڈیا سے متعلقہ افراد اور انتظامیہ بھی کرونا وائرس سے نمٹنے کیلئے فرنٹ لائن سپاہی کا کردار ادا کر رہے ہیں۔ انہوں نے کہا کہ خصوصاً ڈاکٹرز کرونا کیخلاف اس اس جنگ کے اولیں سپاہی ہیں جو آئیسولیشن وارڈز اور آئی سی یوز میں فرنٹ لائن سپاہی بنے ہوئے ہیں۔