لاہور (بزنس رپورٹر)دین فائونڈیشن کے مرکزی چیئرمین ڈاکٹر شوکت ورک نے کہا ہے کہ ڈاکٹر اے کیوخان ہسپتال ٹرسٹ کاشفاف نظام شہریوں کی زکوٰۃ کے درست استعمال کاضامن ہے۔ عنقریب ڈاکٹر اے کیوخان ہسپتال ٹرسٹ میں معزز ڈونر شیخ فاروق احمد کی اہلیہ سے منسوب ایک شاندار نگہت جامعہ مسجد تعمیر کریں گے جوجدیدطرز تعمیر کاشہکار ہوگی۔ اپنے ایک بیان میںانہوں نے کہا کہ امسال بھی ڈونرز کی بڑی تعداد کازکوٰۃ اورصدقات وعطیات کیلئے ڈاکٹر اے کیوخان ہسپتال ٹرسٹ کوٹرسٹ وردی سمجھنا قابل قدر ہے۔انہوں نے کہا کہ 2021ء کے مقابلے میں 2022ء کی ابتداء میں ڈاکٹر اے کیوخان ہسپتال ٹرسٹ کوریکارڈ عطیات موصول ہورہے ہیں۔مستحق ومفلس بیمار انسانوں کی صحت وتندرستی کے سلسلہ میں ثروت مند خواتین وحضرات کاجذبہ ایثار سرمایہ افتخار ہے۔