پی پی ویمن ونگ سٹی سیکرٹریٹ میں بھٹو کی برسی پر قرآن خوانی‘ شمعیں روشن

ملتان (سپیشل رپورٹر) پاکستان پیپلز پارٹی وو من ونگ سٹی سکٹرٹیریٹ ملتان میں شہیدِ ذوالفقار علی بھٹو کی 43 ویں برسی کے موقع پر بھٹو خاندان کے شہدا کو شمعیں جلا کر خراج عقیدت پیش کیا گیا جبکہ شہید ذوالفقار علی بھٹو کے درجات کی بلندی کے لئے قرآن خوانی اور خصوصی دعائیں کی گئیں۔ سٹی صدر وومن ونگ عابدہ بخاری نے اپنے خطاب میں کہا کہ شہید ذوالفقار علی بھٹو پہلے عوامی لیڈر ہیں جنہوںنے عوام کو سیاسی شعور دیا اور براہ راست عوام کو ووٹ کا حق دیا ملک کے استحکام کی خاطر ایٹمی طاقت بنایا۔ عابدہ بخاری نے مزید کہا کہ آج ملک کو بحران میں مبتلا کرنے کے بعد عمران نیازی کو شہید بھٹو کی یاد آئی ہے۔تقریب میں مسزسیمرا ندیم، مسز شمیم اختر،مریم ناز،جنت بی بی،رقیہ بانو،ممتاز بی بی سمیت دیگر نے شرکت کی۔