یوکرینی صدر کی گریمی ایوارڈز کی تقریب میں شرکت

 یوکرین کے صدر ولادیمیر زیلنسکی نے گزشتہ روز منعقد ہونے والے 64 ویں سالانہ گریمی ایوارڈز کی تقریب میں شرکت کرکے سب کو حیران کردیا۔ گریمی ایوارڈز کی لاس ویگاس میں منعقد کی گئی تقریب کے دوران بڑی اسکرین پر صدر ولادیمیر زیلنسکی کا ریکارڈ کیا ہوا ایک ویڈیو پیغام نشر کیا گیا۔صدر زیلنسکی نے اپنے اس ویڈیو پیغام میں یوکرین اور روس کے درمیان جاری تنازع میں یوکرین کی حمایت کرنے کی درخواست کی ہے۔انہوں نے اپنے اس ویڈیو پیغام میں یوکرین میں جاری جنگ کے موجودہ حالات کو بیان کیا اور اس جنگ کی وجہ سے پیدا ہونے والی خاموشی کو موسیقی کے ذریعے ختم کرنے کے لیے تقریب میں موجود فنکاروں کی حوصلہ افزائی کی۔