امریکی ریاست کیرولینا میں حقہ لائونج کے باہرفائرنگ، ایک شخص ہلاک،4 زخمی

واشنگٹن (این این آئی) امریکہ کی ریاست شمالی کیرولینا میں واقع حقہ لانج کی پارکنگ میں فائرنگ کے نتیجے میں ایک شخص ہلاک اورچار زخمی ہوگئے ۔میڈیارپورٹس کے مطابق فیئٹ ویل پولیس ڈپارٹمنٹ نے فیس بک پرپوسٹ کیے گئے ایک بیان میں کہاہے کہ فائرنگ کا واقعہ اتوار کی شب رات گیارہ بجے سے کچھ دیر پہلے پیش آیا۔پولیس نے بتایا کہ ایک شخص موقع پرہی دم توڑ گیا اور چار بالغوں کو اسپتال لے جایا گیا ہے۔ان میں سے ایک کی حالت تشویش ناک ہے جبکہ تین کو معمولی زخم آئے ۔پولیس کا کہنا تھا کہ ابتدائی تحقیقات میں یہ بات سامنے آئی ہے کہ حقہ لانج کے اندرجھگڑاہواجس کی وجہ سے پارکنگ میں فائرنگ ہوئی ہے۔