شیخوپورہ: خاتون کی قبر سے مبینہ آوازیں، لوگوں کی بڑی تعداد جمع

 شیخوپورہ (نمائندہ خصوصی) شیخوپورہ کے علاقہ کھاریانوالہ کے قبرستان میں ایک خاتون کی قبر سے مبینہ طور پر مسلسل آہٹ کی آوازیں آنے کی اطلاع پر لوگوں کا جم ٖغفیر جمع ہوگیا۔ اطلاع ملنے پر مقامی پولیس صحافیوں کی بڑی تعداد پہنچ گئی، جہاں خاتون کے ورثاء کو بھی بلایا گیا جن کے مطابق 70سالہ خاتون کا 3,4روز قبل انتقال ہوا، ورثا نے قبر کشائی کی اجازت  نہیں دی  یہ خبر جنگل کی آگ کی طرح علاقے میں  پھیل گئی جہاں سینکڑوں کی تعداد میں لوگ اکٹھے ہوگئے۔ لوگوں نے قبر میں اپنے کان لگا کر آوازیں سننے کی تصدیق بھی کی جبکہ بعض لوگوں نے قبرکے اردگر قرآن  پاک اور کلمہ طیبہ کا ورد بھی کیا۔