توڑپھوڑ کیس، پی ٹی آئی رہنما عاطف خان کی ضمانت میں عبوری

اسلام آباد(وقائع نگار)انسدادِ دہشت گردی عدالت کے جج راجہ جواد عباس حسن کی عدالت نے عمران خان کی جوڈیشل کمپلیکس پیشی کے دوران توڑپھوڑ کیس میں پی ٹی آئی رہنما عاطف خان کی ضمانت میں عبوری توسیع کردی۔گذشتہ روز سماعت کے دوران عاطف خان اپنے وکیل نعیم پنجوتھہ کے ہمراہ عدالت پیش ہوئے، تفتیشی افسر نے عدالت کو بتایاکہ عاطف خان ابھی تک کیس میں شامل تفتیش نہیں ہوئے، جس پر عدالت نے عاطف خان کو ہدایت کی کہ 11 بجے تک شاملِ تفتیش ہو جائیں ورنہ درخواست ضمانت خارج کردیں گے، عدالت نیسماعت میں وقفہ کردیا، جس کے دوران عاطف خان شامل تفتیش ہوگئے، بعد ازاں دوبارہ سماعت کے دوران عدالت کو بتایاگیا کہ عاطف خان شامل تفتیش ہوگئے ہیں،جس پر عدالت نے عاطف خان کی عبوری ضمانت میں توسیع کرتے ہوئے سماعت18 اپریل تک کیلئے ملتوی کردی۔