پاکستان‘ نیوزی لینڈ سیریز ، لاہور میں میچز کے زیادہ تر ٹکٹس فروخت

لاہور(سپورٹس رپورٹر)پاکستان‘ نیوزی لینڈ کرکٹ سیریز کیلئے لاہور میں ہونے والے میچز کے بیشتر انکلوژرز کے آن لائن ٹکٹس فروخت ہوگئے۔لاہورمیں شیڈولڈ تین میچزکیلئے کرکٹ فینز کا بھرپورجوش وخروش دیکھا گیا ، زندہ دلانے لاہور میں ٹکٹوں کی آن لائن فروخت گزشتہ روز شروع ہوئی تھی۔اب تک میچز کیلئے بیشتر انکلوژرز کے ٹکٹ فروخت ہوگئے ہیں، پہلے دو میچزکے جنرل اور فرسٹ کلاس کی تمام ٹکٹیں فروخت ہوگئیں جبکہ وی وی آئی پی کے وسیم اکرم، پی سی بی گیلری کے بھی تمام ٹکٹ فروخت ہوگئے۔ تیسرے میچ کے چند ٹکٹ آن لائن دستیاب ہیں۔