لاہور(سپورٹس رپورٹر)نیوزی لینڈ کے خلاف وائٹ بال سیریز کیلئے پاکستان ٹیم کا اعلان کردیا گیا۔افغانستان کیخلاف آرام کے بعد ٹاپ پلیئرز کی سکواڈ میں واپسی ہوئی ہے۔ شاہین شاہ آفریدی ورلڈ کپ کے بعد پہلی مرتبہ انٹرنیشنل کرکٹ کھیلیں گے۔بابر اعظم کپتان، شاداب خان نائب کپتان کی پوزیشن پر برقرار ہیں۔ احسان اللہ، زمان خان اور صائم ایوب ٹی ٹونٹی سکواڈ میں شامل ہیں جبکہ عماد وسیم بھی ٹی ٹونٹی سکواڈ میں جگہ برقرار رکھنے میں کامیاب ہوگئے۔ ٹی ٹونٹی سکواڈ میں فہیم اشرف، فخر زمان، حارث رؤف، افتخار احمد، محمد حارث، محمد نواز، محمد رضوان، نسیم شاہ، صائم ایوب، شاہین شاہ آفریدی اور شان مسعود شامل ہیں۔ون ڈے سکواڈ میں بابر اعظم کپتان، شاداب خان نائب کپتان، عبداللہ شفیق، فخر زمان، حارث رؤف، حارث سہیل، احسان اللہ، امام الحق، محمد نواز، محمد رضوان، محمد وسیم جونیئر، نسیم شاہ، سلمان علی آغا، شاہین شاہ آفریدی، شان مسعود اور اسامہ میر شامل ہیں۔ ریزرو کھلاڑیوں میں عباس آفریدی، ابراراحمد اور طیب طاہر شامل ہیں۔