فیروزوالہ( نامہ نگار) مختلف حادثات کے نتیجہ میں 4 افرادہلاک اور خاتون سمیت 6افراد شدید زخمی ہوگئے ۔ امامیہ کالونی کے قریب تیز رفتار بس نے موٹر سائیکل کو ٹکر مار دی ‘ موٹر سائیکل سوار نوجوان آصف جاں بحق ہوگیا۔ فیروزوالا پولیس نے واقعہ کی رپورٹ درج کر لی۔ لاہور روڈ ٹول پلازہ کوٹ عبدالمالک کے قریب تیزرفتار دودھ والی گاڑی سڑک کنارے خراب ڈمپر سے ٹکرا گئی ڈمپر کے ٹائر کا پنکچر لگانے والا عارف ہلاک ہو گیا۔ بائی پاس کے قریب تیز رفتار موٹر سائیکل ٹائر پھٹ جانے سے بے قابو ہو کر قلابازیاں کھاتی فٹ پاتھ سے ٹکرا گئی ‘ موٹر سائیکل سواروں میں محمد اشرف ،وسیم اور عثمان زخمی ہوگئے ۔سرحدی آبادی الہ پور سیداں کے تیز رفتار موٹر سائیکل سلپ ہوگئی‘سفیان ہلاک جبکہ دو افراد زخمی ہوگئے۔ دو موٹر سائیکل آپس میں ٹکرا گئی جس کے نتیجے میں ایک خاتون خالہ بھی ہلاک جبکہ تین افراد اصغر اور سرفراز میں ہو گئے جن کو سپتال منتقل کردیا گیا۔