لاہور(نامہ نگار) نامعلوم حملہ آوروں نے فائرنگ کر کے پٹرول پمپ پر بیٹھے 60 سالہ شخص کوموت کے گھاٹ اتار دیا اور فرار ہوگئے ہیں۔ سلام پورہ کے علاقے میں سگیاں روڈ کے قریب ایک پٹرول پمپ پر 60 سالہ ایوب بیٹھا ہوا تھا کہ وہاں موٹر سائیکل سوار دو نامعلوم افراد آئے۔انہوں نے محمد ایوب پر فائرنگ کر دی۔فائرنگ کی زد میں آکر محمد ایوب موقع پر ہلاک ہو گیا جبکہ حملہ آور فرار ہوگئے ہیں۔ پولیس نے موقع پر پہنچ کر فرانزک ٹیم کی مدد سے شواہد اکٹھے کئے اور نعش پوسٹ مارٹم کیلئے مردہ خانے منتقل کر کے مختلف پہلوو¿ں پر تفتیش شروع کردی ہے۔