لاہور(سپورٹس رپورٹر)آسٹریلیا کی کلیر پولوساک کراچی میں 18اپریل سے 3مئی تک کراچی میں پاکستان اور ویسٹ انڈیز کی خواتین کرکٹ ٹیموں کے درمیان وائٹ بال کے تمام8میچوں میں آن فیلڈ امپائر کے فرائض انجام دیں گی۔ ویسٹ انڈیز کی خواتین ٹیم 3ون ڈے میچز کھیلنے کیلئے 14اپریل کو کراچی پہنچے گی، پاکستان‘ ویسٹ انڈیز ویمنز ون ڈے سیریز آئی سی سی ویمنز چیمپئن شپ کا حصہ ہے۔ 5ٹی ٹونٹی بھی دورے میں شامل ہیں، یہ تمام 8میچز نیشنل سٹیڈیم کراچی میں کھیلے جائیں گے۔ون ڈے سیریز میں سابق ٹیسٹ بیٹر اور پی سی بی اور آئی سی سی ایلیٹ پینل آف میچ ریفری علی نقوی پلیئنگ کنٹرول ٹیم کی قیادت کریں گے جبکہ پی سی بی اور آئی سی سی ایلیٹ پینل آف میچ ریفری میں شامل محمد جاوید ٹی ٹونٹی سیریز میں پلیئنگ کنٹرول ٹیم کی قیادت کریں گے،کلیر پولوساک کے ساتھ عبدالمقیت، عمران جاوید اور ناصر حسین جو پی سی بی ایلیٹ پینل آف امپائرز کا حصہ ہیں جو ون ڈے سیریز کے دوران آن فیلڈ امپائرز کے طور پر کام کریں گے۔پی سی بی ویمنز پینل آف امپائرز میں شامل سلیمہ امتیاز اور حمیرا فرح ون ڈے سیریز کیلئے ریزرو امپائرز ہوں گی،26اپریل سے 3مئی تک پانچ ٹی ٹونٹی میچز کیلئے کلیر پولوساک کیساتھ فیصل آفریدی (پی سی بی اور آئی سی سی ایلیٹ پینل)، فاروق علی خان اور طارق رشید شامل ہوں گے،فاروق علی خان اور طارق رشید پی سی بی ایلیٹ پینل کا حصہ ہیں جبکہ عافیہ امین، حمیرا فرح اور سلیمہ امتیاز ٹی ٹونٹی سیریز میں ریزرو امپائر ہوں گی۔