بناسپتی گھی اور خوردنی تیل کی قیمتوں میں کمی کا رُجحان 

لاہور (کامرس رپورٹر) مارچ کے دوران بناسپتی گھی اورخوردنی تیل کی قیمت میں عمومی کمی کا رحجان دیکھا گیا۔ تفصیلات کے مطابق مارچ میں ملک میں 5 کلو کوکنگ آئل کی اوسط قیمت 2652.88 روپے ریکارڈ کی گئی جو فروری کے مقابلہ میں 2.74 فیصدکم ہے۔ فروری میں ملک میں 5 کلو کوکنگ آئل کی اوسط قیمت 2727.71 روپے ریکارڈ کی گئی تھی۔ ایک کلوگرام بناسپتی گھی کی اوسط قیمت 497.90 روپے ریکارڈکی گئی جو فروری کے مقابلہ میں 0.53فیصدکم ہے۔ فروری میں ایک کلوگرام بناسپتی گھی کی اوسط قیمت 500.53 روپے ریکارڈکی گئی تھی۔ مارچ میں ایک لیٹر سرسوں کے تیل کی قیمت 501.09 روپے ریکارڈ کی گئی جو فروری میں 500.03 روپے تھی۔