کامونکی(نمائندہ خصوصی)چوری کی مختلف وارداتوں میں لاکھوں روپے مالیت کی قیمتی چیزیں چْرا لی گئیں۔بتایا گیا ہے کہ گذشتہ رات محلہ درویش پورہ کے امام مسجد فاروق کی موٹرسائیکل مسجد کے باہر سے چورلے گئے۔نواحی گاؤں جبوکی کے زمیندار یوسف کے کھیتوں سے  چور بجلی کی موٹر چوری کرکے لے گئے۔موضع ٹھٹھہ گلاب سنگھ کا لیاقت گھر کے باہر موٹر سائیکل کھڑی کی چوری ہو گئی ۔اشرف آباد سنت پورہ کے زمیندار ساجد حسین کے کھیتوں سے چور دو برقی موٹریں،پٹرول،کھاد اور دیگر زرعی ادویات وغیرہ چوری کرکے لے گئے۔جبکہ بھروکی ورکاں کے محنت کش دلشاد کی حویلی سے چور ایک بکرا لے گئے۔پولیس نے مقدمات درج کرلیے ۔