ایس ایس پی، سی آئی ڈی پولیس راجہ عمر خطاب کے مطابق دونوں ملزمان کے خاکے عینی شاہدین کے بیانات کی روشنی میں بنائے گئے ہیں، جن میں سے ایک ملزم کے چہرے پر ہلکی داڑھی ہے، چہرے کی ساخت کے مطابق ایک ملزم کا قد چھوٹا اور دوسرے کا قد لمبا ہے، پولیس کی جانب سے جاری کئے جانے والے خاکوں میں ملزمان کا نام نہیں لکھا گیا ہے، اور نہ ہی ملزمان کے جرائم کا ریکارڈ درج کیا گیا ہے۔ واضح رہے کہ سید رضا حیدر کو دو اگست کو ناظم آباد نمبر دو میں فائرنگ کرکے قتل کیا گیا تھا۔