حافظ آباد(نمائندہ نوائے وقت) نواحی گائوں پاڑمسو میں زمین کے تنازعہ پر فائرنگ کرکے 2 بھائیوں کو بھانجے سمیت قتل کردیا گیا۔ جبکہ ملزمان فرار ہونے میںکامیاب ہوگئے۔ تفصیلات کے مطابق پاڑ مسو میں دلاور اور ناصر کا اپنے چچا زاد بھائیوں افتخاربھٹی نوشیر‘ ذکی عدیل‘ شبیر وغیرہ سے زمین کا تنازعہ چلا آرہا تھا۔ جس پر ان کے مابین چند روز قبل جھگڑا ہوا۔ گذشتہ روز جب دلاوراور ناصر اپنے بھانجے اور دیگر اہل خانہ کے ہمراہ اپنے گھر کے صحن میں سورہے تھے تو مسلح ملزمان نے چھت پر چڑھ کر ان پر فائرنگ کردی۔جس کے نتیجہ میں اعظم، ناصر اور انکا بھانجا دلاور تینوں موقع پر ہلاک ہوگئے جبکہ ملزمان فرار ہونے میںکامیاب ہوگئے۔ واقعہ کی اطلاع ملتے ہی سکھیکی پولیس موقع پر پہنچ گئی جنھوں نے نعشوں کو قبضہ میں لیکر پوسٹ مارٹم کے لئے ہسپتال پہنچایا جبکہ پولیس نے ملزمان کی گرفتاری کے لئے چھاپے مارنے شروع کردیے ہیں۔