لندن (آئی این پی)پاکستان کرکٹ ٹیم کے کپتان سرفرازاحمد نے کانٹی ڈیبیوپریارکشائرکی جانب سے31گیندوں پر42رنزکی اننگزکھیلی تاہم وہ اپنی ٹیم کو ڈربی شائرکے خلاف شکست سے نہ بچاسکے۔چیمپئینزٹرافی کی فاتح پاکستان کرکٹ ٹیم کے کپتان سرفرازاحمد کی عمدہ فارم کا سلسلہ جاری ہے۔کاﺅنٹی کھیلنے والے پہلے پاکستانی وکٹ کیپرسرفرازنے نیٹ ویسٹ ٹی 20بلاسٹ میں شاندار ڈیبیوکرتے ہوئے31گیندوں پر42رنزکی اننگزکھیلی، جس میں 2چھکے اور3چوکے شامل تھے۔ سرفرازنے شان مارش کےساتھ 67رنزکی اہم شراکت بھی بنائی جس کی بدولت یارکشائرنے مقررہ اوورزمیں 5وکٹ پر 180رنز اسکورکئے۔ ڈربی شائرنے بلی گوڈل مین اوروین میڈسن کی دھواں دھاربیٹنگ کی بدولت ہدف آخری اوورمیں 5وکٹوں پرحاصل کرلیا۔ سرفرازاحمد نیٹ ویسٹ بلاسٹ میں یارکشائرکی جانب سے مزید 4میچزکھیلیں گے۔