لاہور(کلچرل رپورٹر)کردارپسندنہ آنے پراداکارہ صبا قمر نے ڈرامہ سیریل’’بادشاہ بیگم’’ میں کام سے انکار کردیا ۔بتایاگیاہے کہ ہدایتکارنے تقریباً چھ ماہ قبل سیریل کی کاغذی کاروائی کاآغازکرتے وقت اس کے مرکزی کردارکیلئے صباقمر اور گوہررشید کا انتخاب کرلیاتھاتاہم سکرپٹ مکمل ہونے کے بعدجب اداکارہ سے رابطہ کیاگیاتوانہیں اپناکردارپسندنہ آیاجس پرصباقمرنے مذکورہ سیریل میںکام کرنے سے معذرت کرلی ۔انہوں نے بتایاکہ میںحال ہی میں ایک ٹیلی فلم’’دل کی ایسی کی تیسی‘‘کی ریکارڈنگ مکمل کرائی ہے جس کے ڈائریکٹر احسن طالش ہیں۔