اسلام آباد (نمائندہ نوائے وقت) قومی اسمبلی کی قائمہ کمیٹی برائے سیفران کی ذیلی کمیٹی کا اجلاس (آج) بدھ کو ٹرائبل افیئرز ڈیپارٹمنٹ پشاور میں ہو گا۔ اجلاس کی صدارت کمیٹی کے چیئرمین ساجد خان کریں گے۔ اجلاس میں سیکرٹری ہوم ٹرائبل افیئرز ڈیپارٹمنٹ خیبرپختونخوا اور انسپکٹر جنرل پولیس خیبرپختونخوا کمیٹی کو خاصہ دار فورس پولیس ڈیپارٹمنٹ کے حوالہ سے خصوصی بریفنگ دیں گے جبکہ خاصہ دار فورس کے مختلف امور کا جائزہ لیا جائے گا۔