لاہور(سپورٹس ڈیسک) انگلینڈ اینڈ ویلز کرکٹ بورڈ نے واروکشائر کے سابق بلے باز جوناتھن ٹروٹ کو اولڈ ٹریفورڈ، مانچسٹر میں پاکستان کیخلاف شروع ہونیوالی تین میچوں کی ٹیسٹ سیریز کے لئے انگلینڈ کا بیٹنگ مشیر مقرر کیا ہے۔ جوناتھن ٹروٹ گراہم تھورپ کی جگہ یہ ذمہ داریاں سنبھالیں گے۔
گراہم تھورپ اسسٹنٹ کوچ کی حیثیت ذمہ داریاں نبھائیں گے۔ جوناتھن ٹروٹ ٹیسٹ سیریز میں پال کولنگ ووڈ کے ساتھ ملکر اسسٹنٹ کوچ کی ذمہ داریاں نبھائیں گے۔ نیوزی لینڈ کے سابق سپنر جیتن پٹیل اور ساتھی سیمر گریم ویلچ بھی کوچنگ سیٹ اپ میں شامل ہوں گے جبکہ گریم ویلچ کو فاسٹ بائولنگ کا مشیر نامزد کیا گیا ہے لیکن پٹیل کو صرف دوسرے اور تیسرے ٹیسٹ کیلئے سپن بائولنگ کا مشیر مقرر کیا گیا ہے۔