شاہ کوٹ+ننکانہ صاحب (نامہ نگاران) شاہ کوٹ شیخوپورہ روڈ پر نواحی گاؤں کوٹلہ کاہلواں کے قریب ریس لگاتی ہوئی 2 بسوں میں سے ایک تیز رفتاری کے باعث الٹ گئی جس کے نتیجے میں 3افراد جاں بحق جبکہ19شدید زخمی ہوگئے جنہیں تحصیل ہیڈ کوارٹر شاہ کوٹ منتقل کر دیا گیا ہے۔ عینی شاہدین کے مطابق نجی فیڈ مل کے سامنے مخالف سمت سے آنیوالے موٹر سائیکل کی وجہ سے ایک بس بے قابو ہو کر قالابازیاں کھاتی ہوئی الٹ گئی جسکی وجہ سے 20سے زائد افراد شدید زخمی ہوگئے۔ صوبہ سندھ سے تعلق رکھنے والے محمد لطیف، محمد سرور اور محمود احمد  دم توڑ گئے جبکہ ڈاکٹرز شدید زخمیوں میں سے دو کی حالت کو تشویشناک قرار دے رہے ہیں جبکہ باقی کو ڈسچارج کر دیا گیا ہے۔