معروف گلوکار عاصم اظہر سے ایک مداح نے ان کی شرٹ کی قیمت پوچھ لی جس پر عاصم اظہر نے اسے طنزیہ جواب دیدیا۔عاصم اظہر نے گزشتہ روز اپنی ایک تصویر ٹوئٹر پر شیئر کی جس میں وہ لاہور کا موسم انجوائے کرتے نظر آرہے ہیں۔تصویر پر زوہیب حسین نامی صارف نے سوال کیا کہ بھائی یہ شرٹ آپ نے 800 روپے کی لی ہے نا؟عاصم نے ہنستے ہوئے جواب دیا کہ دراصل یہ میری امی نے ایک قریبی دکان سے میرے لیے 300 روپے میں خریدی ہے۔عاصم کی جانب سے شرٹ کی قیمت بتاتے ہی کئی ٹوئٹر صارفین نے ان کی ٹوئٹ کو ری ٹوئٹ کیا اور حیرانی کا اظہار کرتے ہوئے ان کی والدہ سینئر اداکارہ گلِ رعنا کی تعریف کی۔گلوکار نے بعدازاں ایک اور ٹوئٹ کی اور مزاحیہ انداز میں کہا کہ جس دکان والا 300 سے مہنگی شرٹ دے رہا ہے اسے میری ٹوئٹ دِکھا دینا۔