دائرہ دین پناہ:محلہ شیخان والا کا ٹرانسفارمر پھر جل گیا،شہری سراپا احتجاج

 دائرہ دین پناہ (نامہ نگار) گنجان آباد محلہ شیخان کا گذشتہ رات دوسری بار ٹرانسفارمر جلنے سے شہری بلبلا اٹھے۔گرمی کے ستائے متاثرہ شہریوں نے شنوائی نہ ہونے پر احتجاجاً جرنیلی سڑک بلاک کرکے میپکو حکام کے خلاف نعرے بازی کی۔احتجاج کے دوران ٹریفک بلاک ہوگئی اور ٹریفک کی لمبی لائنیں لگ گئیں۔متاثرہ شہریوں سے مذاکرات ہوئے اور شام تک متاثرہ محلہ کی بجلی کی بحالی کی یقین دہانی پر احتجاج ختم کردیا گیا۔