لاہور(سپورٹس رپورٹر) پی سی بی کی جانب سے اپر ہنزہ کے گاؤں سوست میں پہلی بار خواتین ٹرائلز کا انعقاد کیا گیا۔ 2 مرحلوں میں 14 شہروں میں یہ ٹرائلز 5 اگست سے 3 ستمبر تک ہوں گے۔پاکستان کرکٹ بورڈ کی جانب سے گراس روٹ لیول پر ٹیلنٹ کو اجاگر کرنے کی کوشش کے طور پر 5 اگست سے ملک بھر میں خواتین کیلئے اوپن ٹرائلز کا انعقاد کیا جارہا ہے۔ ان ٹرائلز کی خاص بات یہ ہے کہ 14 شہروں میں سے پی سی بی وادی سوست میں پہلی مرتبہ خواتین کے کرکٹ ٹرائلز کا انعقاد کررہا ہے۔