لاہور(سپورٹس رپورٹر) ڈارون میں پاکستان شاہینز نے این ٹی سٹرائیک کیخلاف ون ڈے میچ 4 وکٹوں سے جیت لیا۔ پاکستان شاہینز نے اپنے ڈارون ٹور کے وائٹ بال مرحلے کے پہلے ون ڈے میں این ٹی سٹرائیک آسٹریلیا کی ناردرن ٹیریٹری کو 4 وکٹوں سے شکست دی۔ اس میچ کی نمایاں بات جہانداد خان کی کیریئر بیسٹ بولنگ اور مبصرخان کی آل رانڈ کارکردگی تھی۔ میزبان ٹیم46.1 اوورز میں 142رنز بناکر آوٹ ہوگئی۔ پاکستان شاہینز نے مطلوبہ سکور 35.1 اوورز میں 6 وکٹوں کے نقصان پر پورا کرلیا۔  جہانداد خان نے26رنز دے کر 4وکٹیں حاصل کیں جو ان کی ون ڈے میں بہترین بولنگ ہے۔ اس سے قبل ان کی بہترین بولنگ 39 رنز کے عوض 3 وکٹیں گزشتہ سیزن میں اپنے ڈیبیو میچ میں راولپنڈی کی طرف سے فاٹا کے خلاف تھی۔ اس کے علاوہ مبصرخان نے18رنز کے عوض 3 کھلاڑیوں کو آوٹ کیا۔