لاہور(سپورٹس رپورٹر) پاکستان اور بنگلہ دیش ٹیسٹ سیریز کیلئے پی سی بی سلیکٹرزآج یا کل قومی سکواڈ کا اعلان کریں گے۔ ایڈوائزر کرکٹ افیئرز وقاریونس کی قومی ٹیم کے کپتان اور کوچ سے مشاورت جاری ہے۔کئی کھلاڑی فارم اور فٹنس کی بنیاد پر جگہ برقرار نہیں رکھ سکیں گے۔ محمد ہریرہ کو ٹیسٹ سکواڈ میں شامل کئے جانے کا امکان ہے۔ فہیم اشرف، وسیم جونیئر، صائم ایوب، نعمان علی کا ٹیم میں جگہ بنانا مشکل نظر آرہا ہے جبکہ امام الحق کے نام پر بحث ہوگی۔ دوسری جانب سکواڈ میں صاحبزادہ فرحان کو شامل کرنے کا امکان بھی ہے۔ عامر جمال اور حسن علی کی فٹنس کا جائزہ لینے کے بعد فیصلہ ہوگا۔ خیال رہے بنگلہ دیش ٹیم 17 اگست کو اسلام آباد پہنچے گی اورپاکستان بنگلہ دیش ٹیسٹ سیریز کا آغاز21 اگست سے ہوگا۔