ننکانہ صاحب: یوم شہدائے پولیس کے موقع پرپولیس لائن میں تقریب 

ننکانہ صاحب(نامہ نگار)یوم شہدائے پولیس کے موقع پرضلعی پولیس ننکانہ صاحب کے زیراہتمام پولیس لائن میں پروقارتقر یب کاانعقادکیاگیا جس میں فرائض کی ادائیگی کے دوران جام شہادت نوش کرنے والے6 شہدائے پولیس ننکانہ کے اہل خا نہ کوسرکاری پروٹوکول میں پولیس لائن لایاگیا۔ڈسٹرکٹ پولیس آفیسرصاعد عزیز نے پولیس افسران اور شہداء کے اہل خانہ کے ہمراہ یادگارشہداء پرحاضری دی،پھولوں کی چادریں چڑھائیں ضلعی پولیس کے چاق و چوبند دستے نے شہداء کی یاد گار پر سلامی دی اوران کے درجات کی بلندی کیلئے خصوصی دعا کی۔ شہداء کی فیملیز کو تقریب میں بطورمہمان خصوصی سٹیج کی زینت بنایا گیا ۔تقریب میں ڈی ایس پیز دیگرپولیس افسران،صحافیوں ودیگر پولیس جوانوںنے شرکت کی تقریب سے خطاب کرتے ہوئے ڈی پی اوصائد عزیز ، اے ایس پی سرکل ننکا نہ صابرہ ایوب اور دیگر مقررین نے کہا کہ ہمارے شہداء ہمارا قیمتی سرمایہ اور ماتھے کا جھومر ہیں جوغزوہ بدر اور غزوہ احد کی روایتوں کے امین ہیں ۔