گوجرانوالہ ( نمائندہ خصوصی)پاکستان انجینئرنگ کونسل کے انتخابات 2024-27کے سلسلہ میں مقامی ہوٹل میں گرینڈ کنونشن کا انعقاد ہوا۔یونائیٹڈ انجینئرز الائنس کی انتخابی مہم جاری ہے اس حوالے سے کنسٹرکٹرز ایسوسی ایشن آف پاکستان(CAP)گوجرانوالہ ڈویژن نے یونائیٹڈ انجینئرز الائنس کے اعزاز میں پرتکلف عشائیہ دیا جس میں گوجرانوالہ ڈویژن سے انجینئرز اور کنسٹرکٹرز کے رہنمائوں اور ممبران نے بھرپورشرکت کی ۔ مقررین نے خطاب کرتے ہوئے کہا کہ انجینئرنگ کونسل کو مزید فعال اور منظم کرنے کیلئے بھرپور کوشش کی جائیگی اور انجینئرز کو درپیش مسائل کے حل کو اولین ترجیح دی جائے گی ۔