ہارون آباد (نامہ نگار) تحصیل ہیڈ کوارٹر ہسپتال کے قریب سے نومولود بچی کپڑے میں لپٹی برآمد ہوئی، کتے نوچتے رہے، راہگیروں نے ہسپتال پہنچا دیا۔ طبی امداد فراہم کر دی گئی ہسپتال ذرائع کے مطابق نومولود بچی کو چند گھنٹے قبل کوئی ہسپتال کے قریب چھوڑ کر فرار ہوگیا، بچی کو کتے نوچ رہے تھے۔ بچی کی پیدائش بھی چند گھنٹے کی ہی ہے۔ طبی امداد فراہم کر دی گئی ہے اور ہسپتال انتظامیہ کی جانب سے بچی کو دارالامان بھجوا دیا گیا ہے۔