فیروزوالہ: پولیس مقابلے کے مقدمہ میں ملوث حوالاتی ڈسٹرکٹ جیل میں دم توڑ گیا

 فیروزوالہ( نامہ نگار) ڈسٹرکٹ جیل میں حوالاتی محفوظ عالم بیمار ہونے کی وجہ سے دم توڑ گیا۔ تقریباً ایک ماہ قبل سیشن ہاؤس کے عقب میں مبینہ پولیس مقابلہ کے دوران محفوظ عالم کا ساتھی مارا گیا تھا اور پولیس نے محفوظ عالم کیخلاف پولیس مقابلے کا مقدمہ درج کر کے اسے ڈسٹرکٹ جیل بھیج دیا جہاں پر اس کی حالت بگڑ گئی اور وہ دم توڑ گیا۔ وہ بہاری کالونی (نورالامین کالونی) شیخوپورہ کا رہائشی تھا۔