لاہور(نامہ نگار)پنجاب سیف سٹیز اتھارٹی میں یوم شہدائے پولیس کے حوالے سے تقریب کا انعقادکیا گیا۔یوم شہدائے پولیس کی مناسبت سے منعقد کی گئی تقریب میں شہدائے پولیس اور ان کے لواحقین کو خراج عقیدت پیش کیا گیا۔سیف سٹی افسران نے شہداء پولیس کی خدمات کو یاد کرتے ہوئے فاتحہ خوانی کی اور خصوصی دعا کی گئی۔دعا میں سیف سٹیز اتھارٹی کی آپریشن کمانڈ اور پولیس کمیونیکیشن افسران سمیت الائیڈ فورسز کے جوانوں نے شرکت کی۔افسران نے ملک و قوم کی سلامتی کی دعائیں بھی کی۔