لاہور(نامہ نگار) موٹروے پولیس سینٹرل زون کے تمام دفاتر میں یوم شہدائے پولیس کی مناسبت سے تقاریب کا انعقاد کیا گیا۔ موٹروے پولیس نے شہدائے پولیس کی قبروں پر فاتحہ خوانی کی اور پھولوں کی چادر چڑھائی گئی۔شہدائے پولیس کو خراج عقیدت پیش کرنے کیلئے موٹروے پولیس سینٹرل زون کے تمام دفاتر میں ایک منٹ کی خاموشی اختیار کی گئی۔ ڈی آئی جی سینٹرل زون دار علی خان نے شہدا کے ورثاء سے ملاقات کی اور انہیں چیک وگفٹ پیش کئے۔