گوجرانوالہ‘قصور‘وزیرآباد‘گوجرہ(نمائندہ خصوصی ‘نمائندہ نوائے وقت‘نامہ نگار) گھریلوحالات سے تنگ آکر2خواتین سمیت 5افراد نے خود کشی کرلی ۔گوجرانوالہ‘ وحدت کالونی کا رہائشی 60سالہ نعیم ہوزری کا کام کرتا تھا ۔ وہ عرصہ دراز سے بیماریوں میں مبتلا تھا۔ خود کوگولی مارکر زندگی کاخاتمہ کرلیا۔والدین کی ڈانٹ ڈپٹ سے دلبرداشتہ نوجوان نے خود کو گولی مار کر خودکشی کرلی ۔نجی ہائوسنگ سوسائٹی کے رہائشی حمزہ کی میٹرک کے امتحان میں دو مضامین میں سپلی آئی تھی۔سعیدآباد کالونی پیرو والا روڈ قصور کی رہائشی28/27 سالہ بشریٰ بی بی نے گھر یلو لڑائی جھگڑے سے دلبرداشتہ ہوکر گھر میں پڑی زہریلی گولیاں کھا کر خودکشی کرلی۔چک نمبر363ج ب کی 28سالہ دو بچوں کی ماں سو نیانے مبینہ طور پر گھر یلوجھگڑے سے تنگ آکر زہر یلی گولیاں کھاکرزندگی کاخاتمہ کرلیا۔علی پورچٹھہ کے نواحی علاقہ کیلاسکے کا رہائشی 70سال ضعیف العمر محمد صادق نے گھریلوجھگڑوں سے تنگ آکر نہر میں چھلانگ لگا کر خود کشی کرلی۔