لاہور (نمائندہ خصوصی) صوبائی دارالحکومت میں ڈکیتی اور چوری کی مختلف وارداتوں کے دوران شہری کروڑوں روپے مالیت کی نقدی، زیورات، گاڑیوں، موٹرسائیکلوں، موبائل فون اور قیمتی اشیاء سے محروم ہوگئے‘ ڈاکوئوں نے مزاحمت پر 4خواتین سمیت 5افراد کو زخمی کر دیا۔ بتایا گیا ہے کہ شاہدرہ میں ڈاکوئوں نے سفیان کے گھر داخل ہو کر اہل خانہ کو رسیوں سے باندھ کر 140تولے طلائی زیورات‘ 40لاکھ روپے نقدی‘ 7قیمتی گھڑیاں‘ 5موبائل فون اور دیگر قیمتی سامان لوٹ لیا۔ واردات کی کل مالیت ایک کروڑ روپے سے زائد بتائی جاتی ہے جبکہ پولیس نے 28لاکھ کا مقدمہ درج کیا ہے۔ شاہدرہ ٹائون میں شہناز بانو کے گھر سے 28لاکھ مالیت کی نقدی اور زیورات، ماڈل ٹائون میں رفعت طوبیٰ کو یرغمال بنا کر اس کے دیور اور بھابھی نے گھر سے 50لاکھ روپے اور ضروری کاغذات، گجرپورہ میں حیدر کے گھر سے 2لاکھ مالیت کی نقدی اور زیورات، چوہنگ میں فہد ملک کے گھر سے 4لاکھ مالیت کی نقدی اور زیورات، شادباغ میں کاشف کے گھر سے 5لاکھ مالیت کی نقدی اور زیورات، ہربنس پورہ میں محمود الٰہی کے گھر سے اڑھائی لاکھ مالیت کی نقدی اور زیورات لوٹ لئے۔ اسلام پورہ میں ڈاکوئوں نے معراج سے لاکھوں روپے مالیت کی نقدی اور زیورات لوٹنے کے بعد اسے فائرنگ کرکے شدید زخمی کردیا۔ ہنجروال میں کار سوار ڈاکوئوں نے احمد اور اس کی فیملی سے گاڑی اور 4لاکھ مالیت کی نقدی اور زیورات چھیننے کے بعد شور مچانے پر 4خواتین کو بٹ مار کر شدید زخمی کردیا۔ فیکٹری ایریا میں ڈاکوئوں نے عباس سے موٹرسائیکل، موبائل اور نقدی، جوہر ٹائون میں محمد علی سے موٹرسائیکل، موبائل اور نقدی، فیکٹری ایریا میں رشید اور اس کی فیملی سے 4لاکھ مالیت کی نقدی اور زیورات، ستوکتلہ میں افضال قریشی ایڈووکیٹ سے 12ہزار اور موبائل، ہنجروال میں عباس سے 12ہزار اور موبائل، نوانکوٹ میں سلمان سے 5ہزار ،5بکرے اور موبائل، ٹائون شپ میں مرزا راحیل اور اس کی بیوی سے ڈیڑھ لاکھ مالیت کی نقدی اور زیورات، لٹن روڈ میں عابد اور اس کی بیوی سے 60ہزار اور موبائل، ساندہ میں خالد اور اس کی بیوی سے 1لاکھ مالیت کی نقدی اور زیورات، لوئر مال میں نصیر سے 5ہزار اور موبائل، اسلام پورہ میں عاصم سے 4ہزار اور موبائل، مزنگ میں عاطف سے 7ہزار اور موبائل، شاہدرہ میں حبیب سے 4ہزار اور موبائل، شادباغ زبیر 20ہزار اور موبائل، غازی آباد میں جمیل سے 50ہزار اور موبائل، فیکٹری ایریا میں افسر علی سے 1لاکھ اور موبائل، اچھرہ میں منظور سے 70ہزار اور موبائل، گلشن راوی میں ہمایوں سے 20ہزار اور موبائل لوٹ لئے۔ جنوبی چھائونی میں چوروں نے لیاقت کے گھر کے تالے توڑ کر 2لاکھ مالیت اور گلبرگ میں حنیف کے گھر کے تالے توڑ کر 3 لاکھ مالیت کا سامان چرا لیا۔
ڈاکے