حیدر آباد (نوائے وقت نیوز) سندھ گیمز میں حیدر آباد کے کھلاڑی وسیم نے ایمپائر اخلاق بخاری کی پٹائی کردی۔ ذرائع کے مطابق کراچی اور حیدر آباد کی ٹیموں کے درمیان ہاکی کا فائنل جاری تھا۔ اس دوران کھلاڑی اور ایمپائر میں جھگڑا ہوگیا۔ وسیم نے ایمپائر اخلاق بخاری کو دھکا دیکر زمین پر گرا دیا اور سر پر گھوسنے بھی مارے۔ حملے سے قبل دونوں میں تلخ کلامی ہوئی۔ وسیم نے ریفری اخلاق بخاری کو دھکا دیکر زمین پر گرا دیا اور ان پر گھونسوں کی بارش کردی۔ ساتھی کھلاڑیوں نے ریفری کو بچانے اور وسیم کو باز رکھنے کی کوشش کی۔ حیدر آباد کے کھلاڑیوں اور حامیوں نے اس صورتحال کو براست نشر کرنے سے نجی ٹی وی کو روکدیا۔