لاہور (سپورٹس رپورٹر) قومی ٹی 20 کرکٹ ٹورنامنٹ میں لاہور لائنز، پشاور پینتھرز، ایبٹ آباد فالکنز، کراچی زیبراز، فیصل آباد ولفز اور کراچی ڈالفنز کی ٹیموں نے اپنے اپنے میچز جیت لئے ہیں۔ لاہور لائنز نے اسلام آباد لیپرڈز کو شکست دی۔ اسلام آباد لیپرڈزنے 8 وکٹوں پر 104 رنز بنائے۔ لاہور لائنز نے ہدف 4 وکٹوںپر حاصل کرلیا۔ احمد شہزاد نے 56 رنز کی اننگز کھیلی۔ پشاور پینتھرز نے حیدر آباد ہاکس کو ہرا دیا۔ پشاور نے 5 وکٹوں پر 185 رنز بنائے، نواز احمد نے 53 رنز کی اننگز کھیلی۔ حیدر آباد کی ٹیم 141 رنز بناکر آﺅٹ ہوگئی۔ عزیزاللہ نے تین کھلاڑیوں کو آﺅٹ کیا۔ ایبٹ آباد فالکنز نے ملتان ٹائیگز کو ہرا دیا۔ ایبٹ آباد فالکنز نے 8 وکٹوں پر 106 رنز بنائے ۔ یونس خان نے 35 نمایاں رنز بنائے۔ محمد عرفان نے تین کھلاڑیوں کو آ¶ٹ کیا۔ ملتان کی ٹیم 9 وکٹوں پر 99 رنز بنا سکی۔ احمد جمال نے 4 کھلاڑیوں کو آ¶ٹ کیا۔ کراچی زیبراز نے کوئٹہ بیئرز کو مات دی۔ کوئٹہ بیئرز نے 9 وکٹوں پر 125 رنز بنائے۔فراز احمد اور حارث الیاس نے تین تین کھلاڑیوں کو آ¶ٹ کیا۔ کراچی زیبراز نے ہدف 3 وکٹوں پرپورا کر لیا۔ فہد اقبال نے ناقابل شکست نصف سنچری سکور کی۔فیصل آباد ولوز راولپنڈی ریمز کو 17 رنز سے ہرا دیا۔ فیصل آباد نے 8 وکٹوں پر 148 رنز بنائے علی وقاص نے 53 رنز بنائے۔ سہیل تنویر نے تین کھلاڑیوں کو آ¶ٹ کیا۔ راولپنڈی ریمز 131 پر ڈھیر ہو گئی۔ عمر امین 47 رنز کے ساتھ نمایاں رہے۔ کراچی ڈولفنز نے لاہور ایگلز کو تین وکٹوں سے ہرا دیا۔ لاہور کی ٹیم نے 8 وکٹوں پر 113 رنز بنائے ۔ سعد نسیم 28 رنز کے ساتھ نمایاں رہے تھے ۔ شاہد آفریدی الیون نے ہدف 7 وکٹوں پر پورا کر لیا۔ شاہد آفریدی صرف 19 رنز بنا سکے۔