میلبورن(نیوز ایجنسیاں) 34 ویں چیمپئنز ٹرافی ہاکی ٹورنامنٹ کے اہم میچ میں آسٹریلیا نے پاکستان کو 1-0 سے شکست دیدی۔ دونوں ٹیموں کے درمیان سخت مقابلہ ہوا ۔ دوسرے ہاف کے15وےں منٹ مےں آسٹریلوی گلین سمپسن نے گول کرکے اپنی ٹیم کو برتری دلوادی جو کھیل کے اختتام تک برقرار رہی۔پاکستان نے اچھی پرفارمنس کا مظاہرہ کیا تاہم وہ گول کرنے میں کامیاب نہ ہوسکا۔ گروپ میں تیسری پوزیشن حاصل کی۔ شکست کے باوجود پاکستان کوارٹر فائنل میں پہنچ گیا ہے۔ پاکستان کل کوارٹر فائنل میں جرمنی کے مدمقابل ہوگا۔ ہالینڈ نے بیلجیئم کو 5-4 سے شکست دیدی۔ نیوزی لینڈ اور انگلینڈ کے درمیان میچ 1-1 گول سے برابر رہا۔ جرمنی نے بھارت کو3-2 سے ہرا دیا۔ کوارٹر فائنلز کل کھیلے جائیں گے۔ آ ج آرام کا دن ہے۔ پہلا کوارٹرفائنل پاکستان اور جرمنی کے درمیان پاکستانی وقت کے مطابق صبح ساڑھے 7 بجے شروع ہوگا۔ دوسرا کوارٹرفائنل ہالینڈ اور نیوزی لینڈ ‘تیسرا بھارت اور بیلجہئم جبکہ چوتھا کوارٹرفائنل آسٹریلیا اور انگلینڈ کے درمیان کھیلا جائے گا۔ 7 دسمبر کو آرام کا دن ہوگا جبکہ سیمی فائنلز اور کلاسیفکیشن میچز 8دسمبر کو کھیلے جائیں گے۔ 9 دسمبر کو پانچویں’ ساتویں‘ تیسری اور چوتھی پوزیشن کے مقابلے بھی ہوں گے۔ 9 دسمبر کو فائنل کھیلا جائے گا۔