پشاورٹریفک حادثہ میں نیوز کاسٹر نویدہ ثمرین والدہ سمیت جاں بحق‘ بیٹا زخمی

پشاور(بیورورپورٹ)پشاورکے نواحی علاقہ دائودزئی ناگمان میں ٹیکسی گاڑی کا ٹائی راڈ ٹوٹنے کے باعث گہری کھائی میں جا گری جس کے نتیجہ میں ریڈیو پاکستان کی نیوز کاسٹر نویدہ ثمرین اپنی والدہ سمیت جاں بحق ہوگئی جبکہ اس کا سات ماہ کا بیٹا اور ٹیکسی ڈرائیور شدید زخمی ہوگئے جنہیں مقامی افراد نے طبی امداد کیلئے ہسپتال منتقل کردیا جہاں ان کی حالت نازک بتائی جاتی ہے تفصیلات کے مطابق جمعرات کے روز ریڈیو پاکستان کی نیوز کاسٹر مسماۃ نویدہ ثمرین زوجہ ذاکر سکنہ کریڑی اپنی والدہ مسماۃ جہانزیبہ کے گھر سے والدہ اور سات ماہ کے بیٹے شیراز کے ہمراہ اٹک سے پشاور کریڑی اپنے گائوںآرہی تھی کہ راستہ میں چارسدہ روڈ پر ناگمان کے قریب ٹیکسی کا ٹائی راڈ ٹوٹنے کی وجہ سے گاڑی گہری کھائی میں جا گری جس کے نتیجہ میں مسماۃ نویدہ ثمرین اور اس کی والدہ موقع پر ہی جاں بحق ہوگئی جبکہ اس کا بیٹا اور ٹیکسی ڈرائیو شدید زخمی ہوگئے جنہیں مقامی افراد نے طبی امداد کیلئے لیڈی ریڈنگ ہسپتال منتقل کردیا جہاں ان کی حالت نازک بتائی جاتی ہے ۔