پاکستانی اینمیٹڈ فلم ’’تین بہادر ریوینج آف بابا بالم‘‘ کا دوسرا ویڈیو سانگ ریلیز

لاہور (کلچرل رپورٹر) پاکستانی اینمیٹڈ فلم ’’تین بہادر ریوینج آف بابا بالم‘‘ کا دوسرا ویڈیو سانگ ’’جھومے بار بار‘‘ گذشتہ روز ریلیز کردیا گیاجسے شیراز اپل نے گلوکار جبار عباس کی آواز میں ریکارڈ کیا ہے۔ بتایاگیاہے کہ یہ فلم ’’تین بہادر‘‘ کا سیکوئیل ہے جس میں اداکار بہروز سبزواری، ثروت گیلانی، احمد علی بٹ، زیبا شہناز، علی گل پیر اور فہد مصطفی نے صداکاری کی ہے ۔مذکورہ فلم کا پہلا گانا ’’بینڈ بج گیا‘‘ ریلیز کیا گیا تھا۔ ’’تین بہادر ریوینج آف بابا بالم‘‘ 15دسمبرکو ملک بھر سینمائوں میں نمائش کے لئے پیش کی جائے گی ۔