لاہور(سپورٹس رپورٹر)لاہور پولو کلب کے زیراہتمام دسمبر پولو کپ آج بروزمنگل سے شروع ہوگا۔ ٹورنامنٹ میں سات ٹیمیں شامل ہیں جنہیں دو پولز میں تقسیم کیا گیا۔پول اے میں ہنڈا چناب ، ڈائمنڈ پینٹس، بلیک ہارس پینٹس /ارٹیما میڈیکل اور پورشے کی ٹیمیں شامل ہیں۔ پول بی میں گارڈ گروپ ، یونائیٹڈ سنیکس پولو اور نیوایج کی ٹیمیں شامل ہیں۔ آج بروز منگل تین میچز کھیلے جائیں گے۔ پول اے میں دوپہر ایک بجے ہنڈا چناب کا مقابلہ ڈائمنڈ پینٹس کے ساتھ، پول اے میں ہی دوپہر دو بجے بلیک ہارس پینٹس /ارٹیما میڈیکل کا مقابلہ پورشے سے ہوگا جبکہ دوپہر تین بجے پول بی میں گارڈ گروپ کا مقابلہ یونائیٹڈ سنیکس پولو ٹیم سے ہوگا۔