انڈر 19 ورلڈ کپ، پاکستانی کرکٹ ٹیم کا کیمپ 7 دسمبر سے شروع ہوگا

لاہور(سپورٹس رپورٹر)انڈر19 ورلڈکپ کیلئے پاکستان کرکٹ ٹیم کا کیمپ 7 دسمبر سے شروع ہوگا، ٹیم کا اعلان آج متوقع ہے،انڈر19 کرکٹ ورلڈ کپ کیلئے قومی ٹیم کا تربیتی کیمپ سات ستمبر سے لاہور میں شروع ہوگا جبکہ کھلاڑیوں کو 6 دسمبر کی رات نیشنل اکیڈمی میں رپورٹ کرنے کی ہدایت کی گئی ہے۔ ایشیا کپ کھیلنے والی پاکستان انڈر 19 کرکٹ ٹیم میں پانچ تبدیلیاں متوقع ہیں جس میں عمران شاہ کو ٹیم میں موقع دینے پر اتفاق ہوا ہے جبکہ زید عالم فٹ ہو کر ٹیم میں دوبارہ واپس آگئے ہیں۔ ارشد اقبال ،علی زریاب اور عماد عالم کو ورلڈکپ سکواڈ میں جگہ دینے کا فیصلہ کیا گیا ہے جبکہ حماد خان، حیدر علی، عمیر یوسف، عبدالشفیق اور محمد عارف کی چھٹی کا امکان ہے۔