کراچی (اسپورٹس رپورٹر)جسٹس ہیلپ لائن کے زیراہتمام لاء اسٹوڈنٹس کرکٹ لیگ ٹورنامنٹ مزید ایک میچ کا فیصلہ ہوگیا وائٹل فائف کرکٹ گرئوانڈ میںکھیلے گئے میچ میں ایس ایم لاء کالج نے شہیدزوالفقار علی بھٹویونیورسٹی ایک رنز سے شکست دے دی ۔ محمدعمران نے 2 2 رنزاور ایک وکٹ حاصل کرکہ مین آف دی میچ اپنے نام کیا۔ ٹاس جیت کر پہلے بیٹنگ کرتے ہوئے ایس ایم لاء کالج نے مقررہ اوورز میں8کھلاڑیوں کے نقصان پر 134 رنز بنائے۔ محمد عمران نے 14 گیندوں پرایک چھکے دو چوکوں کی مدد سے 22 رنزاسکور کیا۔جبکہ گل حسن نے 29 رنز دیکر 2 ،محمدعلی، محمدحارث ، اورنگزیب ،محمدندیم ، فواد احمدنے ایک ایک کھلاڑی آوٹ کیا۔جواب میں شہیدزوالفقار علی بھٹویونیورسٹی نے مقررہ اوورز میں 9 کھلاڑیوں کے نقصان پر 133 رنز بناسکی۔توفیق خان نے تین چھکوں اوردو چوکوں کی مدد سے 30 گیندوں پر 41 رنز اسکور کیا ۔ جبکہ زیشان نے 11 رنزدیکر3 دانیال نے 21 رنزدیکر2 قدرت اللہ ، ولی اللہ ، بلال فیض نے ایک ایک کھلاڑی کو آوٹ کیا جبکہ اسکورر نجم، امپائرنگ کے فرائض نعیم امین اورمحمدزکی نے سرانجام دی ۔